无綫台庆剧《黑色月光》由杨茜尧，王浩信、林夏薇、马志威、黄翠如及杨卓娜等演出，係一套以公关业为背景嘅复仇剧。早于今年年初释出预告片时，杨茜尧嘅招牌奸笑就被观众大讚，指隔住萤幕都感受到佢嘅霸气；随着《黑色月光》播出，唔少网民大讚杨茜尧嘅演出令人有种心寒嘅感觉，又指佢係全能型演员。
前日（4日）播出一集讲述余满月（杨茜尧饰）为令仇人蒋基俊（马志威饰）尽快跌入圈套，以债务威胁蒋基俊跟班Barry（马贯东饰）助攻，呢场戏只有两分钟，杨茜尧亦仅四句对白，但其连环眼神杀及渐进式耻笑就演绎出多重情绪，由奸险冷笑、胜利耻笑到侧头及拧转面大笑，再补上一句：「其实我份人好易话为架咋」，令场口张力十足，唔少网民都留言大讚杨茜尧，表示剧中一句「你係咪傻架？」可以做表情包，又指杨茜尧係现代版嘅丽妃娘娘。
另外，杨茜尧于剧中对住亲妹曦晨（黄翠如饰）时候嘅表情又充满怜爱感，眼神更会带着笑意，获网民大讚全能，又认为佢係今年视后人选：「今年视后支持杨茜尧」、「杨怡真係神演技」、「唔使讲嘢都知佢谂紧咩」、「杨枱（杨茜尧）拎硬视后」、「杨做奸角好似呢套咁，有种令人心寒嘅感觉，同阿旺一样，真係奸又得、正义又得」等等。
此外，蒋太（文雪儿饰）购买名牌「卡索利」银色闪钻特别版手袋畀媳妇卓慧云（林夏薇饰），林夏薇因赌博输钱，要用该手袋作抵押，但就被蒋太要求带着该手袋出席时装秀时，于是只能购买高仿品冒充真品，有网民发现该手袋係内地某小众品牌出品，引起热话，表示想买个同款手袋。另一话题就係于《法证先锋VI：倖存者的救赎》饰演Nana嘅蒋祖曼以名模身份现身宴会天桥上行catwalk，短短16秒镜头拍足大半个晚上，又用上六部机一齐拍，製作相当认真；蒋祖曼就话呢幕令Nana呢个角色变得圆满。
按此下载全新Yahoo APP，睇尽最新娱乐新闻、乐坛消息、名人热话、热门电影、Netflix剧评，新人更可换领限量新人礼，立即下载！
其他人也在看
